"Liverpul" "Yuventus"dan ijaraga olingan yarim himoyachi Artur Meloni sotib olmaydi, deya xabar beradi jurnalist Fabrisio Romano.
“Artur 37 million funt sterlingga sotib olish imkoniyati bilan ijaraga olingan. “Liverpul” bundan foydalanmaydi. Arturning asosiy muammosi - tez-tez jarohatlar. Shu ma’noda, “Liverpul” jamoasining hozirda o‘sha jamoa yarim himoyasidan qancha o‘yinchi jarohat olganini hisobga olsak, uni ijaraga olgani ajablanarli. Klub Arturni joriy mavsum uchun ijaraga olishga qaror qildi va kelasi yozda ular eng yaxshi yarim himoyachi bilan shartnoma imzolamoqchi”, dedi Romano o‘zining YouTube kanalidagi videosida.
"Liverpul" Artur bilan shu yilning avgust oyi oxirida shartnoma imzolagandi. 26 yoshli braziliyalik jamoaning 2 ta uchrashuvida qatnashdi. 9 oktyabr kuni “qizillar” bosh murabbiyi Yurgen Klopp futbolchi jarohati sabab 3-4 oyga safdan chiqqanini ma’lum qilgandi.