"Ливерпуль" "Ювентус"дан ижарага олинган ярим ҳимоячи Артур Мелони сотиб олмайди, дея хабар беради журналист Фабрицио Романо.
“Артур 37 миллион фунт стерлингга сотиб олиш имконияти билан ижарага олинган. “Ливерпуль” бундан фойдаланмайди. Артурнинг асосий муаммоси - тез-тез жароҳатлар. Шу маънода, “Ливерпуль” жамоасининг ҳозирда ўша жамоа ярим ҳимоясидан қанча ўйинчи жароҳат олганини ҳисобга олсак, уни ижарага олгани ажабланарли. Клуб Артурни жорий мавсум учун ижарага олишга қарор қилди ва келаси ёзда улар энг яхши ярим ҳимоячи билан шартнома имзоламоқчи”, деди Романо ўзининг YouTube каналидаги видеосида.
"Ливерпуль" Артур билан шу йилнинг август ойи охирида шартнома имзолаганди. 26 ёшли бразилиялик жамоанинг 2 та учрашувида қатнашди. 9 октябрь куни “қизиллар” бош мураббийи Юрген Клопп футболчи жароҳати сабаб 3-4 ойга сафдан чиққанини маълум қилганди.