Chempionlar ligasi guruh bosqichining 4-tur uchrashuvida Italiyaning “Milan” klubi o‘z maydonida “Chelsi”ni qabul qildi va 0:2 hisobida yutqazdi. "Chelsi" bosh murabbiyi Grem Potter o‘yin natijasidan mamnun.
"Bu erda g‘alaba qozonish oson emas. Lekin mening futbolchilarim ajoyib ish qilishdi. Albatta, raqib o‘n kishi bilan qolgani biroz omadli bo‘ldi. Penalti haqida hech narsa deya olmayman, Tomori qo‘lini Meysonning orqasiga qo‘yganini ko‘rdim, yana qarash kerak. Jorjinyo gol urganidan xursandman, ba’zida omad sizga hamroh bo‘ladi", - deya Potterning so‘zlarini keltiradi BT Sport.
