Turinning "Yuventus" klubi joriy mavsum yakunida serbiyalik hujumchi Dushan Vlahovichni yo‘qotish xavfi bor. Tutto Juve xabariga ko‘ra, agar jamoa Chempionlar ligasiga chiqa olmasa, 22 yoshli to‘purar "keksa sinyora"ni tark etishi mumkin.
Massimiliano Allegri jamoasi to‘qqiz turdan keyin atigi sakkizinchi o‘rinni egallab, A Seriyaning yangi mavsumini muvaffaqiyatsiz boshladi.
Vlahovich “Yuventus”ga 2022 yilning yanvarida “Fiorentina”dan o‘tgan. Serbning "keksa senyora" bilan amaldagi shartnoma muddati 2026 yilning o‘rtalarigacha hisoblangan.