So‘nggi kunlarda futbol muxlislari Kilian Mbappening "PSJ"ni tark etish istagi haqidagi ma’lumotlarni qizg‘in muhokama qilishmoqda. Ayni paytda klub vakillaridan biri, ismini oshkor qilmaslik sharti bilan, 23 yoshli fransuzning murakkab tabiati haqida gapirdi.
“Bir kuni Mbappe bazaga yetib keldi. U ko‘p jilmayib, hazillashib, hamma bilan salomlashdi. Ertasi kuni esa indamay ichkariga kirib keldi. U jim bo‘lib qoldi, hatto hech kimga qaramadi. Mavsum boshidan buyon shunday bo‘lmoqda", - dedi manba BeFootball bilan suhbatda.
Oldinroq "PSJ" Kilian Mbappeni 400 million yevro evaziga qo‘yib yuborishga tayyorligi xabar qilingandi. Albatta, hech bir klub fransiyalik futbolchi uchun bunday summani to‘lamaydi.
