Сўнгги кунларда футбол мухлислари Килиан Мбаппенинг "ПСЖ"ни тарк этиш истаги ҳақидаги маълумотларни қизғин муҳокама қилишмоқда. Айни пайтда клуб вакилларидан бири, исмини ошкор қилмаслик шарти билан, 23 ёшли французнинг мураккаб табиати ҳақида гапирди.
“Бир куни Мбаппе базага етиб келди. У кўп жилмайиб, ҳазиллашиб, ҳамма билан саломлашди. Эртаси куни эса индамай ичкарига кириб келди. У жим бўлиб қолди, ҳатто ҳеч кимга қарамади. Мавсум бошидан буён шундай бўлмоқда", - деди манба BeFootball билан суҳбатда.
Олдинроқ "ПСЖ" Килиан Мбаппени 400 миллион евро эвазига қўйиб юборишга тайёрлиги хабар қилинганди. Албатта, ҳеч бир клуб франциялик футболчи учун бундай суммани тўламайди.
