"Barselona" va Polsha terma jamoasi hujumchisi Robert Levandovski Gerd Myuller sovrinini oladi, deb xabar bermoqda Mundo Deportivo.
Eslatib o‘tamiz, ushbu sovrin o‘tgan mavsum yakunida rasmiy o‘yinlarda klub va terma jamoa safida eng ko‘p gol urgan futbolchiga beriladi. Rasmiy taqdimot 17 oktyabr kuni Parijda bo‘lib o‘tadi.
O‘tgan mavsumda Levandovski "Bavariya" va Polsha terma jamoasi safida jami 57 ta gol urdi. Shu yilning yozida 34 yoshli hujumchi nemis klubidan “Barselona”ga 45 million yevro evaziga ko‘chib o‘tgan edi.
Polshalik futbolchi kataloniyaliklar tarkibida 12 ta o‘yin o‘tkazib, 14 ta gol urdi va ikkita golli uzatmani amalga oshirdi.
