"Барселона" ва Польша терма жамоаси ҳужумчиси Роберт Левандовски Герд Мюллер совринини олади, деб хабар бермоқда Mundo Deportivo.
Эслатиб ўтамиз, ушбу соврин ўтган мавсум якунида расмий ўйинларда клуб ва терма жамоа сафида энг кўп гол урган футболчига берилади. Расмий тақдимот 17 октябрь куни Парижда бўлиб ўтади.
Ўтган мавсумда Левандовски "Бавария" ва Польша терма жамоаси сафида жами 57 та гол урди. Шу йилнинг ёзида 34 ёшли ҳужумчи немис клубидан “Барселона”га 45 миллион евро эвазига кўчиб ўтган эди.
Польшалик футболчи каталонияликлар таркибида 12 та ўйин ўтказиб, 14 та гол урди ва иккита голли узатмани амалга оширди.
