Angliyada Stiven Jerrard yaqin kelajakda iste’foga chiqarilishi mumkinligi haqida gap ketmoqda.
“Fulxem” (20 oktyabr) va “Brentford” (23 oktyabr) jamoalariga qarshi uchrashuvlar “Aston Villa”ning yosh murabbiyi taqdirini hal qilishi mumkin. Agar natijalar yomon bo‘lsa, Birmingem klubi rahbariyati murabbiyni almashtirishlari mumkin.
The Telegraph nashri xabariga ko‘ra, agar Stiven Jerrard iste’foga chiqarilsa, "Aston Villa" rahbariyati Maurisio Pochettinoni taklif qilishga urinib ko‘rishi mumkin. Argentinalik mutaxassis "PSJ"ni tark etgach, ishsiz yuribdi.
Eslatib o‘tamiz, Angliyada Maurisio Pochettino avvalroq “Sautgempton” va “Tottenxem” klublarida ishlagan.
