Londonning “Chelsi” klubi italiyalik yarim himoyachi Jorjinyo bilan shartnomani uzaytirish borasida kelisha olmayapti, deb xabar beradi London Evening Standard.

Manbaning xabariga ko‘ra, tomonlar yangi shartnoma bo‘yicha futbolchining maoshi borasida kelisha olmayapti. Klub joriy maoshni saqlab qolishni taklif qilmoqda, bu yiliga taxminan yetti million yevro. Ammo italiyalik yiliga to‘qqiz millionga oshirishni talab qilmoqda.

30 yoshli Jorginyo joriy mavsumda “Chelsi” safida 13 ta o‘yinda maydonga tushib, 2 ta gol urdi. Uning klub bilan shartnomasi 2023 yilning yoziga qadar mo‘ljallangan.