Лондоннинг “Челси” клуби италиялик ярим ҳимоячи Жоржиньо билан шартномани узайтириш борасида келиша олмаяпти, деб хабар беради London Evening Standard.
Манбанинг хабарига кўра, томонлар янги шартнома бўйича футболчининг маоши борасида келиша олмаяпти. Клуб жорий маошни сақлаб қолишни таклиф қилмоқда, бу йилига тахминан етти миллион евро. Аммо италиялик йилига тўққиз миллионга оширишни талаб қилмоқда.
30 ёшли Жоргиньо жорий мавсумда “Челси” сафида 13 та ўйинда майдонга тушиб, 2 та гол урди. Унинг клуб билан шартномаси 2023 йилнинг ёзига қадар мўлжалланган.
