Fransiyalik hujumchi Karim Benzema "Real" bilan shartnomasini uzaytiradi, deya xabar bermoqda jurnalist Fabrisio Romano o‘z tvitterida.

Manbaga ko‘ra, 34 yoshli Benzemaning "Qirollik klubi" bilan tuzgan yangi shartnomasi 2024 yilning yoziga qadar cho‘zilgan. "Real"ning "Oltin to‘p"ning amaldagi sohibi bilan hamkorligi uzaytirilishi yaqin vaqt ichida e’lon qilinadi.

O‘tgan mavsumda fransiyalik hujumchi “Real” safida Ispaniya La Ligasining 32 o‘yinida 27 ta gol urdi va 12 ta golli uzatmani amalga oshirdi. Benzema, shuningdek, Chempionlar ligasining 12 uchrashuvida 15 marta gol urgan va ikki marta sheriklariga assistentlik qilgan. Uning pley-off bosqichidagi ko‘plab gollari jamoaga turnir finaliga chiqishda yordam berdi.