Ispaniya La Ligasining 11-turidan o‘rin olgan uchrashuvda “Barselona” “Atletik” klubini qabul qildi. Ushbu o‘yin Kataloniya grandining uy stadioni - "Kamp Nou"da bo‘lib o‘tdi. Uchrashuv maydon egalarining yirik hisobdagi g‘alabasi bilan yakunlandi - 4:0. Uchrashuvdagi gollarning birini kiritgan Robert Levandovski o‘yin haqidagi fikrlari bilan o‘rtoqlashdi.
"So‘nggi o‘yin haqida uzoq o‘ylamaymiz, omadsizliklar haqida uzoq o‘ylasangiz, keyingi o‘yinga moslasha olmaysiz. Hozir bizda juda tig‘iz taqvim bor, biz tezda tayyorgarlik ko‘rishimiz va uchrashuvlarga moslashishimiz kerak. Bizda ulkan salohiyat bor va buni muxlislarga ko‘rsatishimiz kerak, - dedi Levandovski "Barselona" klubi matbuot xizmatiga.
