Dortmundning “Borussiya” klubi yarim himoyachisi Jud Bellingem nemis klubidagi kelajagi haqida gapirdi.
Avvalroq, 19 yoshli futbolchining transferiga "Chelsi", "Manchester Siti", "Liverpul" va "Real" klublari qiziqish bildirayotgani xabar qilingandi.
Bellingem butun e’tiborini "Borussiya"da o‘ynashga qaratganini va boshqa jamoaga o‘tish haqida hali o‘ylamaganini tan oldi.
"Rostini aytsam, men bu haqda umuman o‘ylamayman. Men bor e’tiborimni “Borussiya”ga qaratganman. Men hali kelasi mavsum yoki keyingi yoz haqida o‘ylaganim yo‘q", - dedi Bellingem Sky Sports bilan suhbatda.
Yarim himoyachining "arilar" bilan amaldagi shartnomasi 2025 yilning yoziga qadar mo‘ljallangan.
Bellingem joriy mavsumda Dortmundning “Borussiya” klubi safida 18 ta o‘yinda maydonga tushib, 8 ta gol urdi va 2 ta golli uzatmani amalga oshirdi.
