Дортмунднинг “Боруссия” клуби ярим ҳимоячиси Жуд Беллингем немис клубидаги келажаги ҳақида гапирди.

Аввалроқ, 19 ёшли футболчининг трансферига "Челси", "Манчестер Сити", "Ливерпуль" ва "Реал" клублари қизиқиш билдираётгани хабар қилинганди.

Беллингем бутун эътиборини "Боруссия"да ўйнашга қаратганини ва бошқа жамоага ўтиш ҳақида ҳали ўйламаганини тан олди.

"Ростини айтсам, мен бу ҳақда умуман ўйламайман. Мен бор эътиборимни “Боруссия”га қаратганман. Мен ҳали келаси мавсум ёки кейинги ёз ҳақида ўйлаганим йўқ", - деди Беллингем Sky Sports билан суҳбатда.

Ярим ҳимоячининг "арилар" билан амалдаги шартномаси 2025 йилнинг ёзига қадар мўлжалланган.

Беллингем жорий мавсумда Дортмунднинг “Боруссия” клуби сафида 18 та ўйинда майдонга тушиб, 8 та гол урди ва 2 та голли узатмани амалга оширди.