UYEFA "Roma"ning yarim himoyachi Nikolo Dzanyoloning diskvalifikasiyasi bo‘yicha apellyasiyasini qanoatlantirdi.

Diskvalifikasiya muddati qisqartirildi, shuning uchun futbolchi payshanba kuni "Ludogores"ga qarshi o‘ynay oladi. Rimliklar bosh murabbiyi Joze Mourinyo bu boradagi fikrlari bilan o‘rtoqlashdi.

"Men buni adolat deb atayman. Uch o‘yinlik diskvalifikasiya juda ko‘p. Menimcha, u ko‘pi bilan bitta o‘yinga diskvalifikasiyaga loyiq edi.

Dzanyolo o‘ynay olishi muhim, chunki u bizga g‘alaba qozonishiga yordam bera oladi. U o‘zini qanday his qilayotganini bilmayman, lekin uning o‘yinga tayyor bo‘lishini istardim", - dedi Mourinyo matbuot anjumanida.