"Barselona" prezidenti Joan Laporta kataloniyalik himoyachi Jerar Pikening faoliyatini yakunlash haqidagi qaroriga izoh berdi.

"Jerard Pike har doim "Barselona" timsolining bir qismi bo‘lgan. U men uchun doim o‘rnak bo‘lgan, u bilan ishlash men uchun katta sharaf edi. Jerar bilan ketish kelishuvi haligacha davom etmoqda, ammo Jerarda klubga yordam berish istagi katta. U vaziyatni halol o‘yin va maosh to‘lash nuqtai nazaridan tushunadi", - deya kataloniyaliklar prezidentining so‘zlarini keltiradi italiyalik jurnalist Fabrisio Romano.

Pike 3 noyabr kuni faoliyatini yakunlaganini e’lon qildi. 35 yoshli himoyachi bilan shartnoma keyingi haftada bekor qilinadi.

Avvalroq Pike "Barselona" bilan shartnomani bekor qilgani uchun 50 million yevrodan bosh tortgani haqida xabar berilgandi.