«River Pleyt» darvozaboni 90-daqiqada penaltini to‘sdi va natijada jamoasining ashaddiy raqibi - «Boka Xuniors» chempion bo‘ldi! So‘nggi tur oldidan «bokachilar» turnir jadvalida «Rasing»ni 1 ochkoga ortda qoldirayotgandilar. Xullas, «Racing»ning taxtga ko‘tarilishi uchun o‘zi g‘alaba qozonishi va «ko‘k-oltinranglilar» ochko yo‘qotishlari talab etilardi. «Boka» yengilgan va «Rasing» durang qayd etgan taqdirda esa, chempionni aniqlash uchun «pley-off» o‘yini o‘tkazilardi.

Endi yakunlovchi tur tafsilotlariga e’tibor Qarating:

*** «Boka» o‘yinning 50-daqiqasida «Independiyente»ni 2:1 hisobida yutayotgan va bu holatda chempionlik taqdirining «Racing» natijasiga bog‘liqlik joyi yo‘q edi.

*** «Rasing» esa «River Pleyt»ga qarshi uchrashuvning 56-daqiqasida penalti vositasida hisobni ochdi. Bu gol onlayn-jadvalda hech narsani o‘zgartirmadi, ammo endi «Boka»ning ochko yo‘qotishga haqqi qolmadi.

*** 81-daqiqada «Boka Xuniors» gol qo‘yib yubordi (2:2) va onlayn-jadvalda «Rasing» 1-o‘ringa ko‘tarildi.

*** Ayni shu pallada parallel o‘yinda ham hisob o‘rgardi - «River» muvozanatni tikladi va «Racing» qayta 2-o‘ringa tushdi.

*** Kulminasion nuqta: «Racing» 90-daqiqada penalti ishladi va «oltin»ni o‘z tomoniga yumalatish uchun zo‘r imkoniyat hosil qildi. Chempionlik masalasiga oydinlik kirituvchi zarba Xonatan Galvanga ishonib topshirildi. Biroq u «River» darvozaboni Franko Armanini dog‘da qoldirolmadi.

*** Galvanning omadsizligidan 5 daqiqa o‘tgach, 90}5-daqiqada «River» g‘alaba golini urib, «Rasing»ning qolgan ozgina umidini ham puchga aylantirdi.

Shu tariqa «River Pleyt» bilibmi-bilmay, ashaddiy raqibi ko‘chasida chinakam bayram bo‘lishini ta’minladi. Asosiy fakt: «Boka Xuniors» atigi gollar nisbati bo‘yicha atigi +6 ko‘rsatkichi bilan unutilmas chempionlik nishonladi. Albatta, raqib marhamati bilan!