"Barselona" o‘zining "Tvitter"dagi rasmiy sahifasiga "Real"ning La Ligadagi mag‘lubiyatiga munosabat bildirdi.
La Liganing 13-turi doirasida “Rayo Valyekano”ning “Madrid” ustidan qozonilgan g‘alabasidan (3:2) so‘ng, Kataloniya klubi chempionat jadvalida birinchi o‘ringa chiqib oldi.
Ushbu o‘yindan so‘ng "Barselona" matbuot xizmati "Tvitter"da bir nechta xabarlar tarqatdi. Avvaliga kataloniyaliklar Robert Levandovskining tabassum qilayotgan suratini e’lon qilishdi, keyin esa "Barselona"ning "Real"dan yuqorida joylashgan turnir jadvalini, keyin esa jamoa bosh murabbiyi Xavining tabassum qilayotgan rasmini joylashtirdi.
"Kayfiyat" - deb post qoldirdi "Barselona" matbuot xizmati Xavining suratiga izoh berib.
