Kecha, 8 noyabr kuni Braziliya terma jamoasining Qatarda bo‘lib o‘tadigan JCH-2022 uchun qaydnomasi ma’lum bo‘ldi.

Bu ro‘yxatdagi 12 nafar futbolchi ingliz klublarida to‘p suradi.

Ular orasida: Alisson (“Liverpul”), Ederson (“Manchester Siti”), Tiago Silva (“Chelsi”), Bruno Gimaraesh (“Nyukasl”), Kazemiro (“Manchester Yunayted”), Lukas Paketa (“Vest Xem”), Fabinyo (“Liverpul”), Fred (“Manchester Yunayted”), Antoni (“Manchester Yunayted”), Risharlison (“Tottenxem”), Gabriel Martinelli (“Arsenal”) va Gabriel Jezus (“Arsenal”).

Yana 3 nafar vakil Braziliya chempionatida, 1 nafari Meksika chempionatida, 3 nafari Italiya chempionatida, 2 nafari Fransiya chempionatida, 5 nafari Ispaniya chempionatida ishtirok etadi.

Braziliyaliklar guruhda Serbiya, Shveysariya va Kamerun bilan o‘ynaydi.