"Torino" "Vest Xem" yarim himoyachisi Nikola Vlashichni sotib olmoqchi, deya xabar beradi jurnalist Fabrisio Romano. Futbolchi 2022 yilning avgustidan beri Italiya klubida ijara asosida o‘ynamoqda.

Manbaga ko‘ra, to‘lov miqdori 15 million yevroni tashkil qiladi. 25 yoshli xorvatiyalik yarim himoyachi qishki transferlar vaqtida nihoyat “Torino”ning to‘liq a’zosiga aylanishi mumkin.

Vlashich joriy mavsumda "buqalar" safida 15 ta o‘yinda maydonga tushib, barcha musobaqalarda 4 ta gol urdi va 3 ta golli uzatmani amalga oshirdi.

14 turdan keyin “Torino” Italiya chempionati turnir jadvalida 9-o‘rinda bormoqda.