"Barselona" hujumchisi Markus Reshford jamoasining Ispaniya chempioniga aylanishiga munosib hissa qo‘shdi. "Real" ustidan qozonilgan g‘alaba (2:0) kataloniyaliklarga muddatidan oldin La Liga oltin medallarini taqdim etdi.
Mazkur "el-klasiko"da Reshford jarima zarbasini qoyilmaqom ijro etib, jamoasining g‘alaba golini kiritdi. Angliyalik futbolchining muvaffaqiyatiga "Manchester Yunayted" sardori Brunu Fernandesh munosabat bildirdi.
"Tabriklayman, birodarim. Sen bunga loyiq eding", — deb yozadi Brunu Fernandesh o‘z sahifasida.
Eslatib o‘tamiz, Markus Reshford 2025/2026 yilgi mavsumni "Barselona" safida ijara asosida o‘tkazmoqda. Hozircha Kataloniya klubi futbolchining transferini to‘liq sotib olishi yoki olmasligi borasida rasmiy ma’lumotlar mavjud emas.
