"Барселона" ҳужумчиси Маркус Рэшфорд жамоасининг Испания чемпионига айланишига муносиб ҳисса қўшди. "Реал" устидан қозонилган ғалаба (2:0) каталонияликларга муддатидан олдин Ла Лига олтин медалларини тақдим этди.
Мазкур "эл-класико"да Рэшфорд жарима зарбасини қойилмақом ижро этиб, жамоасининг ғалаба голини киритди. Англиялик футболчининг муваффақиятига "Манчестер Юнайтед" сардори Бруну Фернандеш муносабат билдирди.
"Табриклайман, биродарим. Сен бунга лойиқ эдинг", — деб ёзади Бруну Фернандеш ўз саҳифасида.
Эслатиб ўтамиз, Маркус Рэшфорд 2025/2026 йилги мавсумни "Барселона" сафида ижара асосида ўтказмоқда. Ҳозирча Каталония клуби футболчининг трансферини тўлиқ сотиб олиши ёки олмаслиги борасида расмий маълумотлар мавжуд эмас.
