"Barselona" hujumchisi Usmon Dembele 2023 yilning yozida boshqa klublar uchun hamyonbop narxda ispan jamoasini tark etishi mumkin. 25 yoshli fransiyalik futbolchining tovon puli iyun va iyul oylarida 100 million yevrodan 50 million yevroga tushadi, deya xabar bermoqda Marca nashri.
Dembelening “Barselona” bilan avvalgi shartnomasi 2022 yilning 30 iyunida yakuniga yetgan edi. Keyinroq tomonlar ikki yillik shartnomani qayta imzoladilar: muammolarga duch kelgan ispan klubi futbolchi bilan vaqtinchalik shartnoma imzoladi va uning keyingi qayta imzolanishi va tovon puli miqdorini oshirishi ko‘zda tutilgandi.
Dembele joriy mavsumda La Liga va Chempionlar ligasining 20 ta o‘yinida 5 ta gol urdi va 7 ta golli uzatmani amalga oshirdi.
