"Барселона" ҳужумчиси Усмон Дембеле 2023 йилнинг ёзида бошқа клублар учун ҳамёнбоп нархда испан жамоасини тарк этиши мумкин. 25 ёшли франциялик футболчининг товон пули июнь ва июль ойларида 100 миллион евродан 50 миллион еврога тушади, дея хабар бермоқда Marca нашри.
Дембеленинг “Барселона” билан аввалги шартномаси 2022 йилнинг 30 июнида якунига етган эди. Кейинроқ томонлар икки йиллик шартномани қайта имзоладилар: муаммоларга дуч келган испан клуби футболчи билан вақтинчалик шартнома имзолади ва унинг кейинги қайта имзоланиши ва товон пули миқдорини ошириши кўзда тутилганди.
Дембеле жорий мавсумда Ла Лига ва Чемпионлар лигасининг 20 та ўйинида 5 та гол урди ва 7 та голли узатмани амалга оширди.
