Italiyalik jurnalist Fabrisio Romanoning xabar berishicha, erkin agent maqomida bo‘lgan urugvaylik hujumchi Luis Suares Braziliyaning "Gremio" klubi bilan shartnoma imzolashdan bosh tortdi.
35 yoshli hujumchi Yevropaga qaytish haqida o‘ylamoqda. Futbolchining xizmatlariga "Sevilya" qiziqish bildirmoqda.
Avvalroq Suares "Ayaks", "Liverpul", "Barselona" va "Atletiko Madrid" kabi klublarda to‘p surgan. So‘nggi oylarda u "Nasyonal Urugvay" jamoasida o‘ynadi va shu yilning iyul oyida u bilan qisqa muddatli shartnoma imzoladi.
Suares joriy mavsum “Nasyonal” safida 16 ta o‘yinda maydonga tushib, 8 ta gol urdi va 3 ta golli uzatmani amalga oshirdi. Jamoa bilan birgalikda Urugvay chempionligini qo‘lga kiritdi. Transfermarkt portaliga ko‘ra futbolchining narxi 4 million yevroga baholanmoqda.