Италиялик журналист Фабрицио Романонинг хабар беришича, эркин агент мақомида бўлган уругвайлик ҳужумчи Луис Суарес Бразилиянинг "Гремио" клуби билан шартнома имзолашдан бош тортди.
35 ёшли ҳужумчи Европага қайтиш ҳақида ўйламоқда. Футболчининг хизматларига "Севилья" қизиқиш билдирмоқда.
Аввалроқ Суарес "Аякс", "Ливерпуль", "Барселона" ва "Атлетико Мадрид" каби клубларда тўп сурган. Сўнгги ойларда у "Насьонал Уругвай" жамоасида ўйнади ва шу йилнинг июль ойида у билан қисқа муддатли шартнома имзолади.
Суарес жорий мавсум “Насьонал” сафида 16 та ўйинда майдонга тушиб, 8 та гол урди ва 3 та голли узатмани амалга оширди. Жамоа билан биргаликда Уругвай чемпионлигини қўлга киритди. Transfermarkt порталига кўра футболчининг нархи 4 миллион еврога баҳоланмоқда.
