Janni Infantino FIFAning navbatdagi prezidentlik saylovlarida o‘z nomzodini ilgari surgan yagona shaxs bo‘ldi, deya xabar beradi tashkilot rasmiy sayti.
16 noyabrdan 17 noyabrga o‘tar kechasi saylovga ariza topshirish muddati tugadi.
Shu tariqa, Infantino 2016 yildan buyon ishlab kelayotgan FIFA prezidenti lavozimiga qayta saylanadi. 2019 yilda bo‘lib o‘tgan so‘nggi saylovda 52 yoshli funksioner ham yagona nomzod sifatida qatnashgan edi.
FIFA prezidentligi muddati 4 yil.
FIFA prezidentligiga navbatdagi saylov 2023 yil 16 mart kuni tashkilotning Ruandada bo‘lib o‘tadigan 73-Kongressida bo‘lib o‘tadi.