"Barselona"ning sobiq yarim himoyachisi Aleksandr Gleb jamoaning Ispaniya chempionati turnir jadvalidagi yetakchiligiga munosabat bildirdi.

“Men uchun ham ularning La Ligada peshqadamlik qilishlari ajablanarli bo‘ldi. "Barselona"da yarim himoyada bir-birini tushunish yetishmayapti. Natijaga erishish va o‘yin sifatini oshirish uchun yarim himoya va hujum o‘rtasida aloqani o‘rnatish kerak. Avlodlar almashinuvi davom etmoqda, asosiy futbolchilar ketishdi, yangi jamoa qurish kerak. Ishonchim komilki, Xavi muvaffaqiyatga erishadi, buning uchun vaqt kerak", - deya Gleb so‘zlarini keltiradi Metaratings.ru.

“Barselona” Ligada 14 turdan keyin 37 ochko bilan peshqadamlik qilmoqda. Kataloniyaliklarning eng yaqin ta’qibchisi "Real Madrid" bo‘lib, u kataloniyaliklardan ikki ochko ortda qolmoqda.