Fransiya terma jamoasi hujumchisi Karim Benzema Avstraliya terma jamoasi bilan Qatarda bo‘lib o‘tadigan jahon chempionatining birinchi o‘yinini o‘tkazib yuborishi mumkin.
Ma’lumotlarga ko‘ra, Benzema hali ham umumiy guruhda mashg‘ulot o‘tkazmayapti va 22 noyabr kuni bo‘lib o‘tadigan jahon chempionatining birinchi o‘yiniga tayyor bo‘lishi dargumon.
Qayd etilishicha, terma jamoa bosh murabbiyi Didye Desham Benzemaning sog‘lig‘ini xavf ostiga qo‘ymaslik va jarohatini og‘irlashtirmaslik uchun Olivye Jiru yoki Randal Kolo-Muanini maydonda sinab ko‘rishi mumkin.
