"Manchester Yunayted"ning sobiq darvozaboni, hozirda "Ayaks" bosh direktori lavozimida ishlab kelayotgan Edvin van der Sar braziliyalik hujumchi Antonining "mankunianlilar" safidagi istiqbollari haqida o‘z fikri bilan o‘rtoqlashdi.
"Manchester Yunayted" jahon darajasidagi potensial yulduzni qo‘lga kiritdi. Bu futbolchi hali ancha yosh va rivojlanishga qodir. "Ayaks" Antonini yana bir yilga saqlab qolmoqchi edi, ammo "Yunayted" bu transfer uchun katta xarajat qildi", - dedi van der Sar The Athletic bilan suhbatda.
Antoni "qizil iblislar" safiga yozgi transfer oynasida qo‘shildi. "Manchester Yunayted" rahbariyati uning transferi uchun 95 million evro to‘lagan.
