"Манчестер Юнайтед"нинг собиқ дарвозабони, ҳозирда "Аякс" бош директори лавозимида ишлаб келаётган Эдвин ван дер Сар бразилиялик ҳужумчи Антонининг "манкунианлилар" сафидаги истиқболлари ҳақида ўз фикри билан ўртоқлашди.
"Манчестер Юнайтед" жаҳон даражасидаги потенциал юлдузни қўлга киритди. Бу футболчи ҳали анча ёш ва ривожланишга қодир. "Аякс" Антонини яна бир йилга сақлаб қолмоқчи эди, аммо "Юнайтед" бу трансфер учун катта харажат қилди", - деди ван дер Сар The Athletic билан суҳбатда.
Антони "қизил иблислар" сафига ёзги трансфер ойнасида қўшилди. "Манчестер Юнайтед" раҳбарияти унинг трансфери учун 95 миллион эвро тўлаган.
