Italiyalik jurnalist Fabrisio Romanoning xabar berishicha, "Liverpul" yarim himoyachi Aleks Oksleyd-CHemberlenni 2023 yilning yozida tekinga qo‘yib yubormoqchi.
Manbaga ko‘ra, "Liverpul" rahbarlari futbolchi bilan shartnomani uzaytirishdan manfaatdor emas. Futbolchi yozda klubni tekinga tark etadi.
29 yoshli yarim himoyachi 2017 yilning yozida "Arsenal"dan "Liverpul" jamoasiga o‘tgan edi. Transfermarkt portaliga ko‘ra yarim himoyachining narxi 10 million yevroga baholanmoqda.
Joriy mavsumda Chemberlen “qizillar” safida barcha musobaqalarda 4 ta o‘yin o‘tkazdi va gol ura olmadi.