"Barselona" yanvar oyida Dortmundning "Borussiya" klubi himoyachisi Toma Menyega qiziqish bildirmoqchi.
Mundo Deportivo xabariga ko‘ra, Kataloniya klubi rahbariyati 31 yoshli futbolchini yozda sotib olishdan manfaatdor bo‘lgan, biroq o‘shanda kelishuv amalga oshmagan. Natijada “Barselona” Ektor Belyerinni tekinga o‘z safiga qo‘shib oldi.
Joriy mavsumda belgiyalik himoyachi Dortmundning "Borussiya"si safida barcha musobaqalarda 14 ta o‘yinda maydonga tushdi va bitta golli uzatmani amalga oshirdi. Menyening klub bilan shartnomasi 2024 yilning yoziga qadar amal qiladi.
Transfermarkt portali futbolchining narxini 6,5 million yevroga baholamoqda.