Luka Modrich JCH-2022 doirasidagi Xorvatiya va Marokash o‘rtasidagi durang (0:0) haqida fikr bildirdi.
“Bu qiyin o‘yin bo‘ldi, ayniqsa birinchi bo‘limda. Biz oxirgi 10-15 daqiqada yaxshiroq o‘ynay boshladik va ikkinchi bo‘limda Marokashdan ham yaxshiroq o‘ynadik.
Vaziyatlarga ega bo‘ldik, ulardan foydalanmaganimiz achinarli. Agar gol urganimizda yaxshiroq o‘ynagan bo‘lardik, Marokash ochiq o‘yin namoyish etishiga to‘g‘ri kelardi. Jahon chempionatini g‘alaba bilan boshlamoqchi edik, afsuski, bu amalga oshmadi.
Turnir davomida o‘ynash bizga osonroq bo‘ladi, umid qilamanki, endi yaxshiroq o‘ynaymiz. Guruhdan chiqish uchun oldimizda yana ikkita o‘yin bor", — dedi Xorvatiya terma jamoasi sardori.
