Saudiya Arabistoni himoyachisi Ali Al Bulayxi Argentina bilan bahsda jamoasi ikkinchi golni urgan payti Messiga yaqinlashib, bir nimalarni shivirlagan edi.
O‘yindan keyin Al-Bulayxadan Messiga nima deganini so‘rashdi. «Men unga g‘alaba qozonolmasliklarini aytdim», deb javob qildi futbolchi tabassum bilan.
O‘shanda final hushtagi yangrashiga yarim soatcha vaqt qolgandi.
Uchrashuv Saudiya Arabistoni jamoasining 2:1 hisobidagi g‘alabasi bilan yakunlandi. Argentina hozirda o‘z guruhida oxirgi o‘rinni egallab turibdi.
