Fransiya terma jamoasi chap qanot himoyachisi Teo Ernandes akasining jarohati haqida gapirdi.
Luka Ernandes Avstraliyaga qarshi birinchi o‘yinda jiddiy jarohat oldi.
«Men ushbu Jahon chempionatida ikkalamiz uchun ham o‘ynayman. Turnirga chaqirilganda bir-birimiz uchun xursand bo‘lgandik.
Unga hozir oson emas, u uzoq vaqt futbolsiz qolishiga to‘g‘ri keladi, uning o‘rnini egallaganimda ham menga oson bo‘lmadi. Lekin mendan talab qilingan narsani qilishga muvaffaq bo‘ldim.
U terma jamoadan ketganidan beri har kuni gaplashamiz. Umid qilamanki, biz u uchun bu kubokni yutamiz», - deydi «Milan» futbolchisi.
