Франция терма жамоаси чап қанот ҳимоячиси Тео Эрнандес акасининг жароҳати ҳақида гапирди.

Лука Эрнандес Австралияга қарши биринчи ўйинда жиддий жароҳат олди.

«Мен ушбу Жаҳон чемпионатида иккаламиз учун ҳам ўйнайман. Турнирга чақирилганда бир-биримиз учун хурсанд бўлгандик.

Унга ҳозир осон эмас, у узоқ вақт футболсиз қолишига тўғри келади, унинг ўрнини эгаллаганимда ҳам менга осон бўлмади. Лекин мендан талаб қилинган нарсани қилишга муваффақ бўлдим.

У терма жамоадан кетганидан бери ҳар куни гаплашамиз. Умид қиламанки, биз у учун бу кубокни ютамиз», - дейди «Милан» футболчиси.