Germaniya terma jamoasi o‘z tarixida ilk bor jahon chempionatining dastlabki ikki o‘yinida g‘alaba qozona olmadi.

Qatarda bo‘lib o‘tayotgan jahon chempionati guruh bosqichining 2-turidan o‘rin olgan Ispaniya hamda Germaniya terma jamoalari o‘rtasidagi uchrashuv bo‘lib o‘tdi va u durang bilan yakunlandi – 1:1. Opta Sports statistik portali ma’lumotlariga ko‘ra, Bundestim o‘z tarixida birinchi marta jahon chempionatining dastlabki ikki o‘yinida bitta ham g‘alaba qozona olmadi.

Qolaversa, Xans-Diter Flik shogirdlari 2022 yilda sakkizta rasmiy uchrashuvda gol o‘tkazib yuborgan holda hech qachon o‘z darvozasi dahlsizligini saqlab qola olmagan. Germaniya terma jamoasi Millatlar ligasida to‘qqizta, Qatarda bo‘lib o‘tgan jahon chempionatida uchta gol o‘tkazib yubordi. Bunga javoban jamoa raqiblari darvozasiga 13 ta gol urdi.

Ikki turdan keyin Germaniya turnirning pley-off bosqichiga chiqish imkoniyatini saqlab qolgan holda atigi 1 ochko bilan F guruhida to‘rtinchi o‘rinni egallab turibdi. Jamoa guruh bosqichining so‘nggi o‘yinida Kosta-Rika bilan o‘ynaydi. O‘yin 1 dekabr kuni, Toshkent vaqti bilan soat 23:59da boshlanadi.