Германия терма жамоаси ўз тарихида илк бор жаҳон чемпионатининг дастлабки икки ўйинида ғалаба қозона олмади.

Қатарда бўлиб ўтаётган жаҳон чемпионати гуруҳ босқичининг 2-туридан ўрин олган Испания ҳамда Германия терма жамоалари ўртасидаги учрашув бўлиб ўтди ва у дуранг билан якунланди – 1:1. Opta Sports статистик портали маълумотларига кўра, Бундестим ўз тарихида биринчи марта жаҳон чемпионатининг дастлабки икки ўйинида битта ҳам ғалаба қозона олмади.

Қолаверса, Ханс-Дитер Флик шогирдлари 2022 йилда саккизта расмий учрашувда гол ўтказиб юборган ҳолда ҳеч қачон ўз дарвозаси даҳлсизлигини сақлаб қола олмаган. Германия терма жамоаси Миллатлар лигасида тўққизта, Қатарда бўлиб ўтган жаҳон чемпионатида учта гол ўтказиб юборди. Бунга жавобан жамоа рақиблари дарвозасига 13 та гол урди.

Икки турдан кейин Германия турнирнинг плей-офф босқичига чиқиш имкониятини сақлаб қолган ҳолда атиги 1 очко билан F гуруҳида тўртинчи ўринни эгаллаб турибди. Жамоа гуруҳ босқичининг сўнгги ўйинида Коста-Рика билан ўйнайди. Ўйин 1 декабрь куни, Тошкент вақти билан соат 23:59да бошланади.