“Lill” va Kanada terma jamoasi hujumchisi Jonatan Devid faoliyatini Angliyada davom ettirishi mumkin, deb xabar beradi Mundo Deportivo.
Manbaga ko‘ra, 22 yoshli kanadalik futbolchiga "Liverpul" qiziqish bildirmoqda. Bosh murabbiy Yurgen Klopp futbolchi bilan anchadan beri qiziqib kelgan va uning Qatarda bo‘lib o‘tgan JCH-2022dagi o‘yini ingliz klubini futbolchi bilan shartnoma imzolashga yanada ko‘proq ishontirmoqda.
Devid joriy mavsumda “Lill” safida 17 ta o‘yinda maydonga tushib, 10 ta gol urdi va 4 ta golli uzatmani amalga oshirdi. 2022 yilgi jahon chempionatida u 2 ta uchrashuv o‘tkazdi va samarali harakatlari bilan ajralib turmadi. Transfermarkt portali futbolchining narxini 45 million yevroga baholamoqda.