“Лилль” ва Канада терма жамоаси ҳужумчиси Жонатан Дэвид фаолиятини Англияда давом эттириши мумкин, деб хабар беради Mundo Deportivo.

Манбага кўра, 22 ёшли канадалик футболчига "Ливерпуль" қизиқиш билдирмоқда. Бош мураббий Юрген Клопп футболчи билан анчадан бери қизиқиб келган ва унинг Қатарда бўлиб ўтган ЖЧ-2022даги ўйини инглиз клубини футболчи билан шартнома имзолашга янада кўпроқ ишонтирмоқда.

Дэвид жорий мавсумда “Лилль” сафида 17 та ўйинда майдонга тушиб, 10 та гол урди ва 4 та голли узатмани амалга оширди. 2022 йилги жаҳон чемпионатида у 2 та учрашув ўтказди ва самарали ҳаракатлари билан ажралиб турмади. Transfermarkt портали футболчининг нархини 45 миллион еврога баҳоламоқда.