Belgiya terma jamoasi darvozaboni Tibo Kurtua JCH-2022 guruh bosqichi 3-turida Xorvatiya terma jamoasi bilan bo‘lajak o‘yin haqidagi fikrlari bilan o‘rtoqlashdi.
"Biz Xorvatiya terma jamoasi qanchalik yaxshi ekanini bilamiz. Uning iqtidorli futbolchilari bor. Bu o‘yin biz uchun jahon chempionatining amaldagi finalchilariga qarshi o‘ziga xos final bo‘ladi. Dastlabki ikkita o‘yinda biz eng yaxshi o‘yinimizni ko‘rsata olmadik, shuning uchun biz ancha yaxshi o‘ynashimiz kerak", - dedi Kurtua TMW bilan suhbatda.
O‘yin 1 dekabrga belgilangan. Ayni damda Xorvatiya 4 ochko bilan guruhda peshqadamlik qilayotgan bo‘lsa, uchinchi o‘rindagi Belgiyada 3 ochko bor.
