Бельгия терма жамоаси дарвозабони Тибо Куртуа ЖЧ-2022 гуруҳ босқичи 3-турида Хорватия терма жамоаси билан бўлажак ўйин ҳақидаги фикрлари билан ўртоқлашди.
"Биз Хорватия терма жамоаси қанчалик яхши эканини биламиз. Унинг иқтидорли футболчилари бор. Бу ўйин биз учун жаҳон чемпионатининг амалдаги финалчиларига қарши ўзига хос финал бўлади. Дастлабки иккита ўйинда биз энг яхши ўйинимизни кўрсата олмадик, шунинг учун биз анча яхши ўйнашимиз керак", - деди Куртуа ТМW билан суҳбатда.
Ўйин 1 декабрга белгиланган. Айни дамда Хорватия 4 очко билан гуруҳда пешқадамлик қилаётган бўлса, учинчи ўриндаги Бельгияда 3 очко бор.
