Portugaliyalik darvozabon Diogu Koshta faoliyatini “Tumanli Albion”da davom ettirish imkoniyatiga ega. A Bola xabariga ko‘ra, darvozabonning transferga Londonning "Chelsi" klubi qiziqish bildirmoqda.
Manbaga ko‘ra, "pensionerlar" uning transferi uchun 70 million yevro to‘lashga tayyor. Tomonlar muzokara jarayoniga allaqachon kirishgan. Portugaliyalik futbolchiga "ko‘klar"dan tashqari "Manchester Yunayted" va "Tottenxem" ham qiziqish bildirmoqda.
Koshta joriy mavsumda Primeirada 13 ta o‘yinda maydonga tushib, 9 ta gol o‘tkazib yubordi. Ayni paytda u JCH-2022da Portugaliya terma jamoasi darvozasini himoya qilmoqda.