Португалиялик дарвозабон Диогу Кошта фаолиятини “Туманли Албион”да давом эттириш имкониятига эга. А Bola хабарига кўра, дарвозабоннинг трансферга Лондоннинг "Челси" клуби қизиқиш билдирмоқда.
Манбага кўра, "пенсионерлар" унинг трансфери учун 70 миллион евро тўлашга тайёр. Томонлар музокара жараёнига аллақачон киришган. Португалиялик футболчига "кўклар"дан ташқари "Манчестер Юнайтед" ва "Тоттенхэм" ҳам қизиқиш билдирмоқда.
Кошта жорий мавсумда Примеирада 13 та ўйинда майдонга тушиб, 9 та гол ўтказиб юборди. Айни пайтда у ЖЧ-2022да Португалия терма жамоаси дарвозасини ҳимоя қилмоқда.