AQSH prezidenti Jo Baydenning ijtimoiy tarmoqlardagi sahifasida video chop etildi. Unda AQSH terma jamoasi yarim himoyachisi Tayler Adams to‘pga zarba bergani va u to‘ppa-to‘g‘ri Bayden qarorgohi tomon uchib kelgani va to‘pni prezident ushlab olgani tasvirlangan.
"Bu futbol deyiladi. AQSH jamoasi, olg‘a! Yigitlar, buni amalga oshiringlar! ” - deb post qoldirgan Bayden videoda o‘z mamlakati futbol jamoasini qo‘llab-quvvatladi.
Jahon chempionatining 1/8 finali doirasidagi o‘yinda AQSH terma jamoasi Nidearlandiyaga qarshi bahs olib boradi. O‘yin Toshkent vaqti bilan 20:00da boshlanadi.
Niderlandiya va AQSH o‘rtasidagi o‘yinda g‘olib chiqqan jamoa keyingi bosqichda Argentina yoki Avstraliya bilan o‘ynaydi.
