АҚШ президенти Жо Байденнинг ижтимоий тармоқлардаги саҳифасида видео чоп этилди. Унда АҚШ терма жамоаси ярим ҳимоячиси Тайлер Адамс тўпга зарба бергани ва у тўппа-тўғри Байден қароргоҳи томон учиб келгани ва тўпни президент ушлаб олгани тасвирланган.
"Бу футбол дейилади. АҚШ жамоаси, олға! Йигитлар, буни амалга оширинглар! ” - деб пост қолдирган Байден видеода ўз мамлакати футбол жамоасини қўллаб-қувватлади.
Жаҳон чемпионатининг 1/8 финали доирасидаги ўйинда АҚШ терма жамоаси Нидеарландияга қарши баҳс олиб боради. Ўйин Тошкент вақти билан 20:00да бошланади.
Нидерландия ва АҚШ ўртасидаги ўйинда ғолиб чиққан жамоа кейинги босқичда Аргентина ёки Австралия билан ўйнайди.
