Jahon chempionati guruh bosqichi yakunlari bo‘yicha FIFA texnik brifing o‘tkazdi. Brifingda so‘zga chiqqanlardan biri, hozirda FIFAda faoliyat yuritayotgan taniqli murabbiy Arsen Venger hisoblanadi.
Fransiyalik sobiq futbolchi jahon chempionatining pley-off bosqichiga chiqa olmagan Germaniya terma jamoasiga hazil qilgan holda gapirdi.
«Siyosiy namoyishga emas, balki bor e’tiborlarini turnirga qaratgan jamoalar birinchi o‘yinni yaxshi o‘tkazishdi», dedi Venger ijtimoiy tarmoqda.
Eslatib o‘tamiz, Yaponiyaga qarshi birinchi o‘yin oldidan Germaniya terma jamoasi futbolchilari FIFA siyosatiga norozilik bildirib, jamoaviy suratga tushish vaqtida og‘izlarini qo‘llari bilan yopishgan edi. Nemislar o‘sha o‘yinda mag‘lub bo‘lishdi (1:2).
