Жаҳон чемпионати гуруҳ босқичи якунлари бўйича ФИФА техник брифинг ўтказди. Брифингда сўзга чиққанлардан бири, ҳозирда ФИФАда фаолият юритаётган таниқли мураббий Арсен Венгер ҳисобланади.
Франциялик собиқ футболчи жаҳон чемпионатининг плей-офф босқичига чиқа олмаган Германия терма жамоасига ҳазил қилган ҳолда гапирди.
«Сиёсий намойишга эмас, балки бор эътиборларини турнирга қаратган жамоалар биринчи ўйинни яхши ўтказишди», деди Венгер ижтимоий тармоқда.
Эслатиб ўтамиз, Японияга қарши биринчи ўйин олдидан Германия терма жамоаси футболчилари ФИФА сиёсатига норозилик билдириб, жамоавий суратга тушиш вақтида оғизларини қўллари билан ёпишган эди. Немислар ўша ўйинда мағлуб бўлишди (1:2).
